Universitetimizin nümayəndəsi Beynəlxalq Kitabxana Assosiasiyaları və İnstitutları Federasiyasının nümayəndəsi ilə görüşə qatılıb
Qərbi Kaspi Universitetinin Elmi Kitabxanasının müdiri Nigar Babayeva ADA Universitetinin təşkilatçılığı ilə Beynəlxalq Kitabxana Assosiasiyaları və İnstitutları Federasiyasının (IFLA) nümayəndəsi Kleyr MakQuayrın iştirakı ilə “Akademik kitabxanalar və iqlimlə bağlı fəaliyyətlər: İqlim dəyişiklikləri mövzusu ilə əlaqədar tədqiqatlarda kitabxanaların rolu” adlı görüşdə iştirak edib.
Müzakirələrdə elmi-tədqiqat fəaliyyəti, bu istiqamətdə data və resurslara çıxış imkanları, mövzu ilə bağlı treyninq və təlimatlar, akademik kitabxanaların öhdəlikləri və bununla bağlı qurumla birgə gələcək fəaliyyət planları barədə fikir mübadiləsi aparılıb.
